Camouflage qu'ei un trio "new wave" (novèla anda) Alemand compausat de Marcus Meyn au cant (nescut en 1962), Heiko Maile e Oliver Kreyssig.
Oliver Kreyssig, Heiko Maile e Marcus Meyn
Grop tardiu de l'estili, mentre que la novèla anda començava de passar de mòda, de s'aflaquir, avoren pr'aquò un tube en mila-nau-cent-qüate-vint-uèit (1988) dins d'unes païses d'Euròpa dambe un tròç cantat en anglés, "The Great Commandment" ("Lo Bèth Comandament"), que't capitèc tanben onorablament aus Estats-Units en i pujar a la cinquanta-naubièma plaça deu Top 100 (cent) de las ventas de simples au mes de heurèr de mila-nau-cent-qüate-vint-nau (1989). En Occitània tanben aquesta cançon estèc un tube, e quitament en França tota per'mor que't pujèc a la quaranta-cinquièma plaça deu Top 50 (cinquanta) Francés au mes de julhet de mila-nau-cent-qüate-vint-uèit (1988).
Quand èran joens, se son encontrats dins la ciutat de Bietigheim-Bissingen ont demòravan e avoren alavetz idea en mila-nau-cent-qüate-vint-qüate (1984) de hèr musica amassa. Afogats de musica sintetica e electronica coma la deus Angleses de Dépêche Mode o encara la deu grop Japonés "Yellow Magic Orchestra", prengoren per nom "Camouflage" qu'èra le d'un tròç d'aqueste grop.
Enregistrèren au miei de las annadas qüate-vints (80) la prumèra version de la cançon "The Great Commandment" sus "Westside", un pichon label de la ciutat vesia de Francfòrt, enregistrament que lor permetèc alavetz d'èster credibles entà's poder presentar seriosament a d'unes ostaus-de-disc màgers ; fin finala obtenguèran un contracte suu label "Metronome". Enregistrèran alavetz la version finala de "The Great Commandment" dins l'estúdio deu productor Axel Henninger en mila-nau-cent-qüate-vint-sèt (1987). Lo simple sortiscoc en Alemanha tre lo mes de seteme d'aquesta medisha annada e capitèc lèu-lèu aciu-delà. En seguida, enregistèren un albom complet, "Voices & Images". Encoratjat per la capitada deu simple "The Great Commandment", lor ostau-de-disc ensajèc de promòver Camouflage prumèr un pauc mès enlà dins d'unes païses vesins d'Euròpa, e taben aus Estats-Units un pauc mes tard. E qu'ei atau que lo simple "The Great Commandment" sortit en França tota au mes de junh de mila-nau-cent-qüate-vint-uèit (1988) i devengoc un tube au mes de julhet... Coma jà explicat au debut, te capitèc tanben modestament aus Estats-Units au debut de l'annada de mila-nau-cent-qüate-vint-nau (1989).
Pr'aquò, grop tardiu de l'estili "novèla anda", capitèren pas d'aver d'autes tubes internacionaus dambe los simples qu'an seguit, per'mor de prumèr que l'estili "pop sintetica (novèla anda) te començava de passar de mòda, mès tanben, cau díser las causas, "Strangers' Thoughts", "That Smiling Face" o encara "Love is a Shield" deu segond albom èran cançons mès flacas, mens inspiradas que "The Great Commandment". Pr'aquò, entà d'eres en Allemanha, aquestas cançons avoren un polit resson que lor permetèc d'i demorar localament aciu-delà coma un grop màger de la fin de la decenia, e d'i contunhar localament ua carrièra alemanda onorabla.
Paraulas e revirada a l'occitan de «The Great Commandment»
The Great Commandment
(Lo Grand Comandament)
Some people suppress you
D'unes t'escanan
D'unes t'escanan
They parch you
T'assecan
And reap a disaster
E te provòcan una catastròfa
Re-education for the infants
Reeducacion per los mainatges
Who demanded for an innocent instance
Qu'an demandat d'indulgéncia
The great commandment
Lo grand comandament
Shows the contempt
Mòstra lo mesprés
Between the world and their embarrassing pavement
Entre lo Monde e lors penibles camins pavats
Believe the scholars
Credètz los sapients
Read the readings
Legissètz los libres
Realize the man who says anything
Rendètz-vos compte que l'òmi conta cracas
The great commandment
Lo grand comandament
The needers believe you
Los qu'an besonh vos creson
They treat you Vos prenon
Like survivors of a disaster
Per subrevivents d'una catastròfa
Re-education for the infants
Reeducacion per los mainatges
Who demanded for an innocent instance
Qu'an demandat d'indulgéncia
The great commandment
Lo grand comandament
...
The German synth-pop trio Camouflage was officially formed in 1984 by vocalist Marcus Meyn and keyboardists Heiko Maile and Oliver Kreyssig. Their debut single, "The Great Commandment," was scaling the German charts. Their full-length debut, Voices and Images, was released in 1988, reflecting the group's classic new wave synth-pop influences (Yellow Magic Orchestra, Depeche Mode...). Oliver Kreyssig then left the group, leaving Maile and Meyn as a duo augmented by several studio musicians.
