PROPAGANDA, grop emblematic de la novèla anda Alemanda, au som pendent l'annada de 1986

PROPAGANDA èra un grop Alemand de "new wave" (de la novèla anda) de la ciutat de Düsseldorf nescut en 1982. An sustot capitat gràcias a la cançon "P machinery" (cançon cantada pr'aquò en anglés, quitament se lo grop es alemand) qu'estèc un tube màger capvath Euròpa tota, quitament en Occitània, tre lo mes de març de 1986. La cançon pujèc dincas a la 10ena plaça deu Top 50 en França lo 27 d'abriu de 1986. Entà l'anecdòta, la novèla estacion de radiò francofòna "Skyrock" qui, a l'epoca, passava sustot de musica pòp (new wave e ròck, mai que mai) avèva pres un extrèit de "P Machinery" coma "jingle".

"P Machinery" sus youtube : https://www.youtube.com/watch?v=660ZCEhvbnw

Au cant sus aqueste tròç ua hemna que se sona Claudia Brücken. Lo productor d'aqueste grop èra Trevor Horn (qui eth èra de prumèr dins lo grop anglés BUGGLES, aute grop de la novèla anda, BUGGLES qui capitèren capvath lo monde entièr dambe la cançon "Video killed the radio stars" en 1979-1980). Los autes sòcis màgers de PROPAGANDA son Suzanne Freytag, Ralf Dörper e Michael Mertens. Estèren tanben sòcis de PROPAGANDA Betsi Miller, Andreas Thein, Derek Forbes e Bryan Mc Gee.

En Occitània, PROPAGANDA avoren un aute tube, tostemps en 1986 (au mes de mai), dambe lo tròç "For Frankie", en realitat ua simpla mescla estudio (P. 4 F.) de "P Machinery" dambe "Relax", lo tube mondial de l'annada de 1984 de Frankie Goes To Hollywood.

Quitament se son mens coneguts que "P Machinary", podèm evocar tan plan las cançons "Dr Mabuse" e "Duel".

 "Dr Mabuse" sus youtube : https://www.youtube.com/watch?v=bHKm4mLTLs8



"Duel" sus youtube : https://www.youtube.com/watch?v=nnQ2zOmb6Hg