"Smalltown boy" (gafet deu padoenc) estèc un tube deu grop anglés BRONSKI BEAT en Occitània trente ans a, au som au mes de deceme de 1984. Fondat en 1983 a Londres, BRONSKI BEAT èra compausat de Jimmy Somerville (cant), de Steve Forrest (conegut a l'epòca jos l'escais de Steve Bronski) e de Larry Steinbachek.
Ligam youtube entà "Smalltown Boy" per BRONSKI BEAT :
https://www.youtube.com/watch?v=Xuz94ZIPfJk
A l'encòp trista e melodica, aquesta cançon qu'ei tan plan ua pudica denonciacion de l'omofobia, en contar l'istòria d'un praube gafet solitària de banlega, devengut justament solitària e obligat de fugir, de se n'anar per'mor de l'òdi de la sua omosexualitat peus vesins ("You were the one That they'd talk about around town As they put you down" / "Qu'èras lo que ne charravan en vila, e que butavan còp-sèc dehòra") e quitament de la sua pròpia familha ("The answers you seek will never be found at home" / "Las responsas que cercas seràn pas jamès trobadas a l'ostau"). La videò illustra fòrça plan lo tèxte, que l'òm pòt pensar un pauc autobiografic entau cantaire deu grop, Jimmy Somerville.
------------------------------------------------------------------------
Aquesta tematica qu'ei tanben de còps represa tanben en França peu grop INDOCHINE dins cançons coma "3ème sexe" (1985) o encara "Collège boy" (2013). E donc, aquesta cançon "Smalltown boy" de BRONSKI BEAT es plan solide ua referéncia de las màgers entà Nicolas Sirkis, l'autor deus tèxtes d'INDOCHINE ; aquò explica que INDOCHINE hasquèren ua represa de "Smalltown boy" tant la parentat a l'encòp musicala (novèla anda), temporala (BRONSKY BEAT e INDOCHINE son grops emblematics de las annadas 80) e sociala (denonciacion de l'omofobia) son evidentas. Podèm quitament pensar que lo titol "Collège boy" ei directament inspirat de "Smalltown boy" (qui sap ?).
Ligam youtube entà la version per INDOCHINE de "Smalltown boy" : https://www.youtube.com/watch?v=lqATJwxQSSE
